Popular Bible Verses from Jeremiya 17

Share

A katekile m'thu wu a thembako MKOMA, awu kuthemba kwakwe i ku MKOMA. Nguko a na fana ni mndonga wu wu nga phawa hafuhi ni mati, awuwa mitwi ya wona yi navako kala matini. Hambi kuva ni lisani kha wu thavi, aniko mazokoro a wona mo simama me nyuka. Kha wu karateki hambi i di dilembe do mbawa mati, hambi kuleka kuveleka mihando.

Se mbilu mkanganyisi kupinda sotshe silo, yi sinile; i mani a no yi ziva kani?

Ani MKOMA ni xola mbilu, ni xola mapimo; ni ninga ka mmwani ni mmwani, madingano ni mahanyelo akwe, madingano ni mihando ya mithumo yakwe.

MKOMA a khene: “A ruketetwe m'thu wu a thembako m'thu, a thembako mtamo wa diwoko dakwe, na mbilu yakwe yi di hambanile ni MKOMA. Nguko a na fana ni txitxhotxhota txa txiwulani, kha na mbi ma wona makatekwa ma txita; aniko a na zumba ka makhalo ma nga hya mu txiwulani, ka ditiko da mnyu di di singako ni m'thu.

Ni thume MKOMA, ni na va ni di kalamukile, ni hanyise, ni na va ni di hanyisilwe. Nguko ngawe wudhumo wangu.