Popular Bible Verses from Isaya 49

Share

Ina wamsikati a nga sikota kudivalisa eto mwanana wu a m'wunjako, asi mxanisekeli, mwanana wa mndani kwakwe kani? Aniko hambi i diku o m'divala, ani koko kha ni na mbi kudivala.

Wona taku ni ku bhate hagari ka dianza dangu; ni maguma ako ma masoni kwangu yotshe mbimo.

Aniko MKOMA a womba tiya: Ngu ditshuri, tikhumbi ti nga thaviswa ka ndena, se sile si nga handwa ngu wa mtamo si na huluka; nguko ani ni nalwa ni vale valwako ni nawe, Kambe ani ni na hulukisa vanana vako.

A to khene kambe: Ndidotho taku uva txithumi txangu dwe, kasi kuwusa tihunzu ta ka Jakobe, ni kuwuyisa misalelwa ya ka Israyeli; kambe ni ku vekile ku uva liwoningo ka vamatiko, kuva m'hulukisi wangu kala magwito ka mafu.

Giya awe nzuma, se tsaka nawe mafu, kambe anu mimango kulungelani ngu kutsaka ka hombe, nguko MKOMA a thavelete vathu vakwe, a na pfela wusiwana vaxaniseki vakwe.