Popular Bible Verses from Isaya 12

Share

Wona taku, Txizimu i ku muhanyisi wangu, na txi themba, kambe kha ni na mbi thava txilo, nguko MKOMA Txizimu, ngene mtamo wangu, ni ndando yangu, se a mahile kuhanyisa kwangu.

Se anu, ngu kutsaka, mi na reka mati ka sisima sa kuhanyisa.

Embelelani ka MKOMA, nguko a mahile simaha sa hombe ngutu; ti na zivaneke tiya, kotshe ha mafuni.

Se ka ditshiku donedo, mi na khanu: Bongani MKOMA, mi pfalisa ditina dakwe, gelani vathu simaho sakwe, embelelani ti to ditina dakwe di txitimwi ngutu.

Se ka ditshiku donedo, u na khawe: Na ku bonga, MKOMA, nguko hambi ku u nga ni henyela, kuhenya kwako ku gumile, se u ni tsakisile.

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.