Popular Bible Verses from Isaya 1

Share

Sekoko ngonani, hi ta wombawombisana, kuwomba MKOMA: Hambi ngako sionho sanu si di mi bhilivilisile mi fana ni txiwunguwungu, si na basa kufana ni hunguva; hambi ngako si di bhilivilisile kunzihala, si na nga matoya o basa.

Ngako mi txi tumela kuengisa, mi na dya so tshamba ha mafuni hawa.

Gondani kumaha ta tinene; lavani kululama, vhunani va va xanisekako, mi seketela vo felwa ngu vaveleki, mi lwela tinoni.

Aniko ngako mi txi ni tshuralela mi si ni engisi, mi na guma ngu ditxhari, nguko txisofu txa MKOMA txi wombile.

Sambani, mi ti basisa, thavisani mithumo yanu yotshe yo biha masoni kwangu mi leka kumaha kubiha.

Ngu toneto, mi txi ni guletela manza, na mi sisela maso angu; ina, hambi mi txi andisa mikombelo yanu, kha ni yi engisi, nguko manza anu matate ngu mnoha.

Mi nga tiseni kambe mningelo wanu wa kwa mbi vhuna txilo; dibaselo danu da ni nyenyeza, ni mibuso ya kumeka ka mtxima, ni ya Masabbata, ni kuramba ka mi msengeletano; kha ni na ku timisela kuwona kubiha ka misengeletano yo sawuleka.

Homu ya ziva nyamne wa yona, ni mbongola ya wu ziva mkawu wa nyamne wa yona; aniko Israyeli kha zivi txilo, vathu vangu kha va pfisisi txilo.

Mibuso yanu ya kumeka ka mtxima, ni mibuso yanu ya hombe ngutu yi henyisa muhefemulo wangu; konkuwa ta ni nemelela; se ni karate ngu kuxaniswa ngu sona.