Popular Bible Verses from Ekleziyaste 8

Share

Sekoko ani ni to dhumisa litsako, ngako m'thu asi ngako ni txa tximwetxo txa txhuko hahatshi ka ditambo, txo pinda kudya, e sela, ni ku ti tsakela; nguko eto ti na m'vhuna ka mthumo kwakwe, ka masiku a kuhanya kwakwe, ale Txizimu txi mningako hahatshi ka ditambo.

Hambi ku ngako muonhi a txi maha kubiha dizana da sikhati, ni masiku akwe me tala, ani na tiziva ngu ditshuri ti to avale va thavako Txizimu, va na kateka, nguko kuva ve thava masoni ka Txizimu.

Nguko totshe to maha ti ni mbimo ya tona ni mamahelo a kona; nguko wubihi wa m'thu mbwa hombe txitimwi kwakwe.

Kha ku na m'thu ni wammweyo a ku ni mtamo txitimwi ka moya, kasi kuñola moya; hambi ku va ni mtamo ngu ditshiku da kufa; kambe kha ku na matxhari ka yimbi ya kona; ni ka kudotho wubihi kha wu na mbi txhatxhisa vabihi.

Nguko kulamulwa ka wo biha kha ku kuluveti kuta, ngu mhaka yeto, timbilu ta vanana va vathu ti navela kumaha wubihi.

Ku ngadi ni wumwani wukanganyisi wu mahwako txitimwi ka mafu: Ku ni vo lulama, va txhatxhazelwako ngu mithumo ya vabihi, ni vabihi va va txhatxhazelwako ngu mithumo ya vo lulama. Ni khani eto ni tona mbukanganyisi.

Nguko kha zivi ti ti no humelela; i mani a no mmaha e tiziva ti ti mahekisako tona kani?