Popular Bible Verses from 2 Makronika 20

Share

Se Jahaziyeli a to khene: Engisani anu motshenu va ka Judha, ni nanu vahanyi va Jerusalema, ni nawe mfumeli Josafati. MKOMA a khene kwanu: Mi nga thaveni, mi nga dhudhumeleni ngu mhaka yaku wona vathu vava vavangi, ngu ku hi nga anu mi ñolwa yimbi yiya, yi na lwiwa ngu Txizimu.

Ka yimbi yiya anu kha mi na mbilwa, tsulani mi txi ya ema mi wonetela a ti MKOMA a no maha, kasi ku mi hulukisa, anu va ka Judha, ni va Jerusalema; mi nga thaveni, kambe mi nga dhukisweni; mangwana va hingeteni, nguko MKOMA a na va ni nanu.

Oh! Txizimu txathu, i na khu na mbi va lamula kani? Nguko athu kha hi nga ni mtamo wa kulwa ni vathu vavangi ngutu ava va telako ku ta hi xasela. Kha hi ti zivi ti hi felako ku ti maha, maso athu ma wonisela awe!

Josafati a to pfana ni vathu vakwe, e veka mtxawa wa vaembeleli masoni ka dibutho dakwe da yimbi, ava va nga ti ti embelela ni kudhumisa MKOMA va txi kha vona: Dhumisani MKOMA nguko lirando lakwe li zumba ngu ha ku si gwitiko.

Se ka mbimo yile va nga khata kupeka mikulungwani ya kutsaka ka hombe ni kudhumisa, MKOMA a to rumela vathu veya wukela vanana va Amoni ni va Mowabhi ni vanana va mimangoni ka Seyiri, avale va nga ta kasi kutalwa ni va ka Judha.

Sekoko Josafati a to thava e lava MKOMA; a to gela votshe va ka Judha kuve ti tona kudya.

Hi txi humelelwa ngu to biha, ti yimbi, mitungu mwendo nzala, athu i naya ema masoni ka nyumba yiya ni masoni kwako; nguko ditina dako di nyumbani muwa; hi nata huwelela tixaniso tathu se awe u na hi engisa u txi hi hulukisa.

Mangwana, girimelani mi va yela, vata, va kwelela mmango wa Zizi, mi naya vamana magwito ka mkova masoni ka txiwula txa Jeruyeli.

Va ka Judha va to sengeletana kumweko ni otshe madhoropa awe kasi kuve kombela mtamo ka MKOMA.