Popular Bible Verses from ROMA 6

Share

Saba' amaténgngé iyanaritu saronai dosaé; iyakiya atuwong tongengngé iya mannennungengngé sibawa Kristus Yésus Puwatta iyanaritu pabbéré iya nabbéréyangngé Allataala sibawa cuma-cuma.

Dé' nawedding dosaé makuwasaiko, nasaba dé'na mutuwo riyawana hukkunna agama Yahudié iyakiya ri yawana pammaséna Allataala.

Nasaba acemméngngéro, rikuburu'ki silaong Kristus sibawa maccowéki maté silaong Aléna, kuwammengngi napékkugi Kristus ripatuwo polé ri amaténgngé nasaba akuwasanna Ambo' iya malebbié, makkuwatoniro weddikki joppaiwi séuwa atuwong iya mabarué.

Aja'to muwabbéréyangngi anggota tubummu lao ri akuwasanna dosaé untu' riyakkégunang lao ri akkatta-akkatta majaé. Iyakiya abbéréyangngi alému lao ri Allataala selaku sining tau iya puraé ripalétté polé ri amaténgngé lao ri atuwongngé. Abbéréyang manengngi alému lao ri Allataala kuwammengngi nariyakkégunang untu' élona Allataala.

Riissenni makkedaé ampé-ampéta riyolo selaku tolino pura riyunoi silaong Kristus ri aju sallié kuwammengngi nariyancuru akuwasanna ampé-ampéta iya madosaéro; nanallalengiro dé'na naripowataki ri dosaé.

Harusu' tokko mangga'i alému maté nasaba dosa, iyakiya tuwo ri laleng assisumpungeng iya mare'é sibawa Allataala naolai Yésus Kristus.

Rékko makkuwairo, aga wedding ripowada? Harusu'ki'ga matteru-teru pogau' dosa kuwammengngi napédé' namaséiki Allataala? Tentu dé'! Dé'na nakuwasaiki dosaé, jaji, pékkugi weddikki matteru-teru tuwo sibawa pogau' dosa?

Muwissegga makkedaé rékko muwabbéréyangngi alému lao riséddié tau untu' pogau'i élona, tentu iyanaritu atannako tau iya muturusiéro – iyaré'ga atannai dosaé iya tiwiékko lao ri amaténgngé, iyaré'ga ata iya matinulué ri Allataala, nanallalengiro nasimadécéngeng paimeng sibawa Allataala.

Iyakiya sukkuru'ki lao ri Allataala! Saba' riyolo mancaji atannako dosaé, iyakiya makkekkuwangngé sukku atinna saudara turusiwi pappagguruwang tongengngé iya puraé riwérékko. Purano ripaleppe' polé ri dosaé, namakkekkuwangngé mancaji atano untu' élona Allataala.