Popular Bible Verses from ROMA 14

Share

Saba' rékko Allataala paréntai atuwonna rupa tauwé, aga iya weddingngé naanré iyaré'ga naénung rupa tauwé, iyaro dé'na napenting. Iya pentingngé iyanaritu makkedaé rupa tauwé turusiwi élona Allataala, napéneddingiwi atennangeng atié sibawa tarimai ariyo-riyong iya nabbéréyangngé Rohna Allataala. Tau iya tumaningiyéngngi Kristus secara makkuwaro, iyaro tauwé napésennangiwi atinna Allataala, sibawa riyangke'i risining tau laingngé.

Rékko tuwoki, tuwoki untu' Puwangngé. Sibawa rékko matéki, maté tokki untu' Puwangngé. Jaji tuwo iyaré'ga maté, appunnangennaki Puwangngé.

Rimakkuwannanaro akkattata harusu'i tuli untu' gau'-gau' iya paompoé assipammasé-maséng sibawa sisullé sipétangngari.

Rimakkuwannanaro aja' tasisullé sipassala. Sibalé'na usahakangngi kuwammengngi dé' mupogau'i muwi séuwa iya nassabariyé séddié Saudara siyatepperengngé rigoda sibawa madosa.

Ri laleng Kitta'é tarokii, Makkedai Puwangngé, “Sitongenna, tungke'-tungke' tau suju'i matu massompa ri yolo-Ku; sibawa tungke' tau mangakui matu makkedaé Iyya'na ritu Allataala.” Jaji tungke'-tungke'ki harusu' tanggung jawakiwi sininna pangkauketta lao ri Allataala.

Tau iya dé'é namateppe' ri aga iya natepperiyé harusu'i ritarima sibawa madécéng ri yelle'na Saudara-saudara. Aja' muwassasa sibawa aléna passalenna sining pallolongenna.

Niga Saudara angkanna Saudara harusu' madélékiwi atanna tau laingngé? Menruggi iyaré'ga tokkongngi iyaro ataé, iyanaritu urusanna puwanna. Na mémeng iyaro ataé tettong lempui matu, nasaba naulléi Puwangngé patettong lempui.