Popular Bible Verses from ANGIMANGENG 26

Share

Maélo-Ka sibawakko; maélo-Ka mancaji PUWANG Allataalamu na iko mancaji umma'-Ku.

maélo-Ka pateppai bosié ri wettunna, angkanna mabbéréi wassélé tanaé sibawa mabbuwai ajukajungngé.

Rékko tuwoko situru sining peraturak-Ku sibawa turusiwi sining parénta-Ku

Maélo-Ka jagaiwi amangenna wanuwammu angkanna weddikko matinro sibawa tennang enrengngé temmétau muwi lao ri niga. Sining olokolo masekkangngé maélo-Ka pallennye'i polé ri wanuwaéro, sibawa dé'na matu gaga musu ri wanuwammu.

Maélo-Ka barakkakiko sibawa mpérékko maéga ana' eppo. Aga iya puraé Ujancingekko, pasti Urupaiwi.

Iyya, PUWANG Allataalamu, iya tiwiékko massu polé ri Maséré kuwammengngi dé' mumancaji ata. Akuwasang iya tenre'ékko purani Upolo, na Upancajiko tau maradéka.”

Maélo-Ka monro ri yelle'mu ri laleng Kéma-Ku, sibawa dé' usampéyakko matu.

Makkedai PUWANGNGE, “Aja' muwébbu barahala iyaré'ga patettong dato'-dato' iyaré'ga alliri batu iya risobbi'é untu' risompa. Iyya'na PUWANG Allataalamu.

Maonai matu wassélé tanamu, angkanna genne untu' sitaung. Mala tarapassako passui alebbinna polé ri éngngalang iya labe'é kuwammengngi engka onrong untu' taroi éngngalang iya barué.

na limamo tau namuwulléi caui sératu tau, sibawa sératumo tau namulléi caui seppulo sebbu tau.

Maonai matu wassélé tanamu, angkanna rékko narapini wettunna untu' maccéppu buwa anggoro, méngngala mupo gandong. Sibawa rékko narapini wettunna untu' mattaneng gandong, maccéppu mupo buwa anggoro. Mappunnaiko matu inanré iya genne'é sibawa tuwo saléwangeng ri wanuwammu.

Mulléi matu caui sining balimmu

Pakarajai esso-esso Saba'é sibawa esso-esso maraja agama laingngé sibawa pakalebbii onrong iya ripallaingngé untu' sompa-Ka. Iyya'na PUWANG.