Popular Bible Verses from YOSUA 10

Share

Nappésauna mata essoé sibawa dé'na nalétté kétengngé narapi tau Israélié pura nacau sining balinna. Iyaé kajajiyangngé riyokii ri laleng Kitta Yasar. Puppu esso mappésau mata essoé ri tengnga-tengngana langié, sibawa maitta senna nainappa labu.

Iyaro essoé wettunna PUWANGNGE mpéréngngi apakalang tau Israélié polé ri tau Amorié, mabbicarani Yosua lao ri PUWANGNGE sibawa ri yolona tau Israélié, makkedai Yosua, “Eh Mata esso! Appésauno ri yasé'na Gibéon. Sibawa iko kéteng! Aja' mulétté polé ri yasé'na Lompo Ayalon.”

Dé' naengka nakajajiyang sibawa dé'tona nakajajiyang matu séuwa esso pada-pada essoéro, makkedaé PUWANGNGE maccowériwi élona tolinoé. PUWANGNGE mammusu sibawangngi Israélié!

Makkedai PUWANGNGE lao ri Yosua, “Aja' mumétau lao ri mennang. Pura Uwérénno apakalangngé, rimakkuwannanaro dé' muwi séddi tau polé ri mennang mulléi tahang méwako.”

Purairo, makkedani Yosua lao risining parawiraéro, “Aja' mumanenneng sibawa métau. Sitinajako mateppe sibawa barani, saba' makkuwaniyé carana PUWANGNGE maélo gaukengngi sininna balimmu.”