Popular Bible Verses from AYUB 2

Share

Makkedani bainéna lao ri aléna, “Pékkugi wedding tette mupo matinulu ri Allataala? Ayo, tanroini, namumaté!” Nappébali Ayub, “Mabbicarako pada-pada tau madonggoé! Masa iyami bawang makessingngé maélo ritarima polé ri Allataala, na iya dé'é namakessing risampéyangngi?” Jaji, namuni napéneddingiwi Ayub sininna abalaéro, dé' napowadai ada-ada iya méwaéngngi Allataala.

Makkutanani PUWANGNGE, “Aga purani mupénessai atak-Ku Ayub? Ri sininna linoé dé'gaga tau makkuwaé matinuluna sibawa makessing atinna pada-pada aléna. Nasompa-Ka sibawa dé' sises-siseng napogau'i majaé. Tette mupi matinulu ri Iyya, namuni pura-Ka mupalécé cilakaiwi temmakkéalasang.”

Namakkedana PUWANGNGE lao ri Ibillisi', “Makessinni, pogau'ni agi-agi lao ri aléna, assaleng aja' muwunoi.”

Abala iya kennaéngngi Ayub naéngkalingani iya tellu sellaona, iyanaritu Elifas polé ri kota Téman, Bildad tau Suah sibawa Zofar tau Naamah. Masséddini mennang maélo célléngiwi sibawa saléworiwi. Iyakiya wettunna polé mabéla mupi naitai mennang, céddé'i dé' narupani. Terini mennang sibawa macenno sibawa sapé'i pakéyanna enrengngé massiyamporeng awu ri yelle'é sibawa ri ulunna. Pitungngesso pitumpenni mennang tudang ri tanaé, ri seddéna Ayub, temmakkeda-ada muwi silappa, nasaba naitai mennang pékkugi tane'na anrasa-rasanna.