Popular Bible Verses from YESAYA 56

Share

Makkedai PUWANGNGE lao ri umma'-Na, “Pogau'i aga iya adélé'é sibawa iya siturué sibawa hukkuk-Ku. Saba' dé'na namaitta Upolé passalama'ko sibawa adélékek-Ku ripannessai.

Ubarakkaki tau iya turusiyéngngi esso Saba'é sibawa dé' napanajisi'i iyaro essoé. Tau iya dé'é napogau'i majaé Ugaukengngi matu sibawa makessing.”

Makkedai PUWANGNGE lao risining tau laingngé iya muttama'énna bilangenna umma'na PUWANGNGE, iya pojiyéngngi PUWANGNGE sibawa massompa lao ri Aléna, iya pakalebbiéngngi esso Saba'é sibawa matinulu lao ri assijancin-Na, “Utiwiko matu ri Sion, ri bulu-bulu-Ku mapaccingngé, sibawa Uwéréng arennung ri bola assompak-Ku. Sining akkarobangeng iya muwakkasuwiyangengngé ri mézba-Ku Utarimai matu. Riteppui matu Bola-Ku bola sempajang untu' sininna bangsaé.”