Popular Bible Verses from YESAYA 33

Share

sibawa paamangngi umma'-Na. Waramparang iya passalama'éngngi umma'-Na mennang iyanaritu apanréng sibawa pangissengeng enrengngé pappakalebbi lao ri PUWANGNGE.

Oh PUWANG, amaséiki. Idi ritu addennuwangetta. Linrungiki polé ri essoé lao ri essoé sibawa passalama'ki ri wettu aperisengngé.

Sininna passakke'na ri kappala'na mennang dé'gaga gunana; sining sompe'na dé' naulléi pallebba'i! Sininna asugirenna balié tarampasa'i matu, namaéga senna jumellana, angkanna muwi tau péso'é makkétawato. Aléna PUWANGNGE mancaji arutta matu; mapparéntai matu, napatettongngi hukkungngé sibawa passalama'ki polé ri balié.

Mulléi tahang rékko makkedako sibawa pogau'i iya tongengngé. Aja' musappa saro sibawa para'i tau kasiyasié, sibawa aja' mutarima dowi pasoso. Aja' muwaccowériwi tau iya rancanaéngngi abbunowangngé iyaré'ga ja laingngé. Natallinrukko matu sibawa amang, samanna engkako ri laleng bénténg iya masse'é. Inanré sibawa énungeng tassadiyai matu untu' alému.