Popular Bible Verses from YESAYA 30

Share

Rékko lésséko polé ri lalengngé, paéngkalingai matu ri monrimmu saddan-Na iya makkedaé, “Iyanaé lalenna; accowérini iyaé lalengngé.”

Namuni makkuwaro, natajengngi PUWANGNGE wettunna untu' mappaitangngi paressé babuwa-Na lao ri iko. Sadiyai untu' mamaséiko. Saba' PUWANGNGE iyanaritu Allataala iya pogau'éngngi aga iya teppa'é. Masennangngi tau iya mamménasaé ri Aléna.

PUWANG Iya Pommatanré, Allataala mapaccinna Israélié, makkeda lao ri umma'-Na, “Toba'no sibawa tette tennang, na-Upassalama'ko matu. Ateppe'no ri Iyya sibawa ati iya amangngé, na-Upéwatangiko matu.” Iyakiya dé' mumaélo!

Nawérékko PUWANGNGE wettu accobang iya matane'é untu' majara'ko. Iyakiya makkekkuwangngé Aléna ranrekko angkanna mupéneddingiwi ahadéréken-Na.

Eh iko iya monroé ri Yérusalém, dé' mumatteru matu teri. Maressé babuwai PUWANGNGE, sibawa nabaliko masitta rékko mangobbiko méllau tulung ri Aléna.

Makkedai PUWANGNGE, “Cilakani sining pamimpinna Yéhuda, nasaba maronta'i mennang lao ri Iyya. Naccowériwi mennang rancana-rancana iya tenniyaé rancana-Ku. Natékéngngi mennang assijancing iya siéwaé sibawa élo-Ku. Nasitenre-tenre'na dosana mennang.