Popular Bible Verses from YESAYA 26

Share

PUWANG, Iko mabbéré adaméngeng sibawa asaléwangeng lao ri tau iya mattinettoé atinna, saba' mateppe'i ri Iko.

Tuli mateppe'no ri PUWANGNGE, saba' tuli nalinrungiki PUWANG Allataala.

Nasénge'-Ko nyawaku ri wennié, nauddaningi-Ko atikku ri éléé. Rékko Muadéléki linoé matti, naissengngi matu pabbanuwana linoé aga iya tongengngé.

PUWANG, Muwébbuki matu saléwangeng; sininna iya ripogau'é, Iko ritu pogau'i untu' idi.

Maccowéki ri apettum-Mu, oh PUWANG, sibawa tajek-Ko; Iko ritu ripoji sibawa nauddaningi atitta.

Tau malempué joppai ri laleng malempué, saba' Iko, PUWANG, wajikengngi laleng.

Napakariyawai PUWANGNGE tau iya matempoé; Naancuru'i kota mabbénténna mennang, nenniya paratai sibawa tana.

Timpa'i sining pintu gerbanna, kuwammengngi nauttama bangsa iya matinulué, bangsa iya pogau'éngngi élona Allataala.