Popular Bible Verses from ASSURENG 8

Share

Sining ahli passéhéré'na berusahani pakéi pangissengeng mappalennye'-lennye'na mennang untu' pakangkato namo-namo, iyakiya dé' naulléi mennang. Kégi-kégi engka namo, angkanna sining ahli passéhéré'éro makkeda lao ri arungngé, “Iyaé pangkaukenna Allataala.” Iyakiya iyaro arungngé matedde atiwi, napada-pada iya pura napowadaé PUWANGNGE, iyaro arungngé dé' namaélo bati-batiwi ada-adanna Musa sibawa Harun.

Nanakkeda PUWANGNGE lao ri Musa, “Laono mangolo ri arungngé namupalettukengngi iyaé pasengngé: ‘Palaloni umma'-Ku lao untu' massompa ri Iyya.

Wettunna naita arungngé makkedaé iyaro sining cuppangngé maténi, matedde atini. Napada-pada iya pura napowadaé PUWANGNGE, dé' namaélo arungngé bati-batiwi ada-adanna Musa sibawa Harun.

Rékko musampéyangngi, iyaé wanuwaé Upennoiwi matu sibawa cuppang selaku pahukkungeng.

Makkedai PUWANGNGE lao ri Musa, “Suroi Harun munrui tanaé sibawa tekkenna, natappinrana matu awué mancaji namo risininna wanuwa Maséré.”

Papoléni PUWANGNGE lale iya maéga senna'é ri saorajana arungngé sibawa ri bolana sining pejaba'é. Sininna wanuwa Maséré manrasa-rasa senna'ni nasaba iyaro lale'é.