Puranana napaddésukekko PUWANG Allataalamu, aja' muwasengngi makkedaé natiwiko kuwaro untu' mappunnaiwi tanaéro nasaba makessikko sibawa pogau'i élona PUWANG Allataalamu angkanna sitinaja tarimai. Dé' sises-siseng! Napaddésu'i PUWANGNGE bangsa-bangsaéro untu' iko nasaba majai mennang. Naleppessakko PUWANGNGE malai tanana mennang, nasaba macinnai rupaiwi jancin-Na lao ri néné-nénému Abraham, Ishak sibawa Yakub.
