Popular Bible Verses from RIWAYA'NA RASUL-RASUL-E 7

Share

Wettunna mennang nagenrung Stéfanus, mangobbini Stéfanus, “Puwang Yésus tarimai rohku!” Nakkaluttuna sibawa gora loppo, “Puwang, aja' naripaéssangi iyaé dosaé ri yasé'na mennang!” Purana makkeda makkuwaro, maténi.

‘Langié iyanaritu kadéra arajak-Ku, na linoé lapikajé-Ku. Bola aga maélo mupatettongek-Ka? Kégani onrok-Ku untu' mappésau?

Natongkoni daucculinna mennang iyaro anggota-anggotana mahkamaé nagora-gorato, nainappa massamang luruiwi Stéfanus. Nassarénréngenni massu ri saliweng kota nainappa nagenrung batu. Sining tau iya sabbingngéngngi iyaro kajajiyangngé nappaddettangenni pakéyanna mennang riséddié kallolo riyasengngé Saulus.