Naéngkalinganaro, rikuwasaini Saul ri Rohna Allataala. Namacai senna'na mala duwakkaju saping nainappa nalétta-létta mancaji maéga létta'na. Nainappa iyaro létta-létta'é nakiringngi lao risininna tanana Israélié sibawa paréntaéwé, “Nigi-nigi iya dé'é namaélo malluru mammusu maccowériwi Saul sibawa Samuél, rilétta-létta makkuwa towiyé matu sapinna!”
Métauni bangsa Israélié lao ri aga iya naullé napogau' PUWANGNGE, na sininna tauwé, tenripassangadi, sadiyani maju mammusu massibawa.