Popular Bible Verses from 1 KORINTUS 6

Share

Harusu'i muwisseng makkedaé tubummu iyanaritu onronna Rohna Allataala monro. Iyaro Roh-é monroi ri laleng iko. Na Aléna muto Allataala mabbéréyangngi iyaro Roh-é lao ri iko. Watakkaléna Saudara tenniya appunnangemmu. Iyaro appunnangenna Allataala. Allataala pura melliko sibawa purana nawaja maneng. Rimakkuwannanaro, pakéi tubummu pékkugi caramu angkanna Allataala ripakalebbi.

Muwissegga makkedaé sining tau iya dé'é naturusiwi élona Allataala, dé' namancaji matu anggotana umma'na Allataala? Aja' naribelléko. Sining tau iya pogau'éngngi pappangaddiyangngé, sining tau iya massompaé barahala, iya malawengngé, iya pogau'éngngi pangkaukeng mappakasiri-sirié lao ri pada-padanna, iya ménnauwé, iya mangowaé, iya pammabokengngé, iya pojiyéngngi pau-pau majai tau laingngé, sibawa para'éngngi tau laingngé – sininna tau pada-padaéro dé' nancaji matu anggotana umma'na Allataala.

Abélaiwi pangkaukeng-pangkaukeng iya mappangaddiyé. Saba' sininna dosa laing iya napogau'é tauwé, kajajiyangngi ri saliwenna tubunna tauwéro. Iyakiya tau iya pogau'éngngi mappangaddiyé, bettuwanna pogau'i dosa lao ri tubunna muto.

Engka powadai, makkedaé tungke' tau weddingngi napogau' sininna séuwa-séuwaé. Iyakiya untu' ri aléku dé' nakkéguna maneng. Jaji namuni wedding upogau' agi-agi, iyakiya dé' umaélo malleppessangngi aléku rikuwasai ri muwi aga.

Allataala pura patuwoi Puwang Yésus polé ri amaténgngé, makkuwatoro Allataala patuwoi matu idi sibawa akuwasan-Na.