Popular Bible Verses from Markus 13

Share

Karina ngo kalak merceggo atè midah kènè kumarnaken Aku. Tapi barang isè menahan soh mi puncana, ia ngo kessa ipaluah.”

Asa kennah ngo kènè ndungo janah mergermet gennep tèk, ai oda ibettoh kènè, ndigan mo kettikana.

Mula itangkup kènè, janah mula iembahken mi perhukumen, ulang kènè mbiar terrèngèt sinaing dokkenken ndènè. Mula enggo dapet tikkina naing mengerana, ruapken mo barang kadè sinibagahken Tuhan idi bamu sinaing ruapenkenmu i kettikana. Karina rana sinaing ranaenken ndènè, oda ngo rana ndènè idi, tapi rana siroh bai Tendi Dèbata nai ngo idi.

Salpun pè langit dekket tanoh, tapi ukum katangKu oda ndorok salpun.”

“Tukasi pè bagidi, sada kalak poda memettoh ndigan arina barang pè kettikana. Malaèkat-malaèkat ni sorga idi poda, Anak Dèbata pè oda memettoh, pellin Bapa i sambing ngo kessa bettoh-bettohen.

Mula idengkoh kènè berrita geraha, ulang kènè mbiar. Kennah masa ngo sibagidi, tapi madèng ngo roh kettikana kiamat.

Kernana i, kènè pè kennah merjaga-jaga ngo, ai oda ibettoh kènè ndigan pekiroh sidasa bages idi – tah ciboon, tah tengah mberngin, tah takuak manuk, barang pè tah nderrang mbincar mataniari. Mula simpusta ia roh, ulang mo idapet kènè terpeddem. Kadè siKubagahken bai ndènè èn, Kubagahken ma ngo i taba karinana jelma, ndungo mo kono janah mergermet!”

Mergeraha mo bangsa sisada merraloken bangsa sisada nai. Lako i dikè, masa mo rènur dekket kellèhèen. Karina idi pellin pertemmenanna dèng ngo idi bagè pengakap sada partua ibages rabisen nderrang lako kettaring.

Kennah lebbè isarken mo Sukuten Kelluahen bai Dèbata nai mi karina bangsa.

Mbuè ngo kalak roh merkitè-kitè gerarKu ia nina, janah mendokken, ‘Aku ngo Ia!’ nai itipu mo mbuè jelma.

Asa kennah mermanat ngo kènè, kerna kènè pè naing itangkup ngo janah iaduken mi runggu agama. Ipekpekki mo kènè i bages perguruun. Icaran mo kènè mi hadeppen penguasa dekket raja-raja kumernaken Aku, asa merkitè bagidi iindangken kènè terrèngèt Aku mendahi kalak idi.

Kerna raja-raja sipaluah palsu dekket nabi-nabi palsu naing roh. Ibaing kalak idi ngo ulaan kellengangen dekket tanda-tanda kellengangen lako menipu ginemgem Dèbata. Janah ninggat siterbakinsa, dekket ngo sienggo terpilih idi ma.

“Enggo kessa salpun tikki simpersuk idi, gellap mo mataniari, bulan i pè maknè mercuhaya. Merrurus mo bintang ni langit idi, janah sompar-baèr mo karina silotna i abang-abang i.