Popular Bible Verses from Mateus 19

Share

Itengen Jesus mo kalak i, ninganna idokken, “Mahal ngo i, ukum bai jelma! Tapi oda lot mahal ukum bai Dèbata!”

Asa oda ngo kalak idi dua kalak nèngè, tapi sada ngo. Kumarna nai, jelma i mak ndorok menirang barang kadè sienggo ni peddemmu Dèbata.”

Ialoi Jesus mo, “Oda ngo pennah ijaka kè ibas Bibèl, ai daholi dekket daberru ngo jelma itempa situmempai i mulana i? Kessa i idokken nola ma mo, ‘Kumarna nai, kennah itadingken anak laki ngo partuana lako mendahiken sinibagesna asa gabè sada kalak i sidua.’

Tapi idokken Jesus mo, “Padiat kènè mo roh sikèdèk-kèdèk i mendahi Aku! Ulang gerai kènè kalak i, kerna bagè kalak èn ngo simbengket mi Kerajaen Dèbata!”

Tapi mbuè ngo kalak sibagèndari, perlebbè kin gabè perpodi, janah mbuè ma ngo siperpodi kin gabè perlebbè.”

Barang isè sienggo menadingken bagesna, kaka-anggina, barang turangna, barang partuana, barang dukak-dukana, barang jumana kumarna Aku, jalonna mo siratus kali lempit. Janah iberrèken ma mo bana kenggelluhen amman-sumendah i.

Idokken Jesus mo mbangsa, “Mula naing sèkel kono merandal kalohoon, laus mo ko merdèa karina silot bamu. Berrèken mo tokorna i taba kalak sincoor, nai merharta mo kono i sorga. Enggo kessa i, roh mo ko balik mi sèn, èkutken mo Aku.”

Ialoi Jesus mo, “Kasa ikusoi ko Aku terrèngèt apaina simendè? Pellin sada ngo kessa mendè, imo Dèbata. Mula sèkel ko naing terolih kenggelluhen soh amman sumendah i, kennah ulaken mo karinana sinidokken Dèbata.”

Kudokken mo taba kènè, “Murahen ngo iakap sada gajah mbengket mi lubang jarum, ulang pada sibèak mbengket mi Kerajaen Dèbata.”

Dengkohken kènè mo ènda: Kalak simenirangken sinibagesna – keppèken oda kumerna merlangkah julu meddem – janah kabin nola ma ia dekket daberru sidèban, merlangkah julu meddem ngo kalak i ter- dokken.”

Nai idokken Jesus mo taba sisiinNa, “Kodokken mo bai ndènè, mahal kalohoon ngo kalak sibèak mbengket mi Kerajaen Dèbata.”