Popular Bible Verses from Mateus 15

Share

Tapi ukum sikaruar i babah jelma nai, siturah ibas ukurna nai ngo i, sibagidi mo memaing meronah jelma. Ai ibagasen ukur nai ngo tubuh pikiren-pikiren jahat, maing kalak memmunuh, merlangkah julu meddem, rorang, menangko, mengerampok, merluap dekket mengkilang.

Ukum simbengket arap babah jelma, oda ngo meronah ia ibakin, pellin sikaruar arap babah ngo simemaingken ia meronah.”

‘Bagèen ngo idokken Dèbata: Ipesangap kalak ènda ngo Aku pellin i babah sambing, ukum ukurna ndaoh ngo bangku nai. Oda lot lapatenna isembah kalak i Aku, karna hatoren agama sinipeddahken kalak i gabè hatoren sinibaing jelma ngo.’ ”

Nai idokken Jesus mo tabasa, “Mbelgah ngo kepercayaenmu i nangè! Saut mo bagè nipergeddomu i!” Mènter gejapkenna i mo malum iakap berruna i.

Tukasi pè enggo idokken Jesus bagidi, tapi dak tong ngo roh daberru idi mendahiSa, nai sujud mo ia mersembahSa ninganna idokken, “Tuan urupi mo aku.” Tapi ialaoi Jesus mo, “Oda ngo selloh buaten pangaan anak-anak niberrèken nola taba biang.” “Tuhu ngo i Tuan,” nina daberru i, “Tapi ipangan biang ngo iba-iba pangaan sindabuh i mèja empungna nai.”