Popular Bible Verses from Roma 13

Share

Jengga nei fene negama kabwabili gamserem, nei Tuhan Yesus Kristus aa jes eyebilirim, jeiserem nei ga gemer nesa kabwana fene jes gemerserem. Ane ipsama gunurum ilem inibe enggame ini kapka imnaiserem je ga ims tergenbaabif aamei kapkaiserem jewer igama eyebif.

Utanga angtane nafsiminip ijama gwebiyen, jengga utanga jetefener igam gwebili enggame, in ina jam nesiksonanalaiserem. Angtane afa jei angtane nafsi aa jei gam nesiktenerem, jei Hukumu Nabi Musa aa jes tulistababilim, Hukumu jeiserem jei mes gam taabili, ane ga jes gam onsobili.

Angtane seyafter ga waakenfer sene sarbabili pegawai pemerinta nem sanbakef aa jei ge nwinbenerem, aam temawer Uwa Sanbagiri Jenfentowai golmini baabeta Jemnaiserem jebe. Angtane sanbakef aa jei ge nwinbenerem, jeiba Uwa Sanbagiriserem Jeyam destabaabili.

Gwini ga amkom gase ayintye, ane ona ga babitsim gase nafwena. Nei ga jam nesa tikwena etam-etama kapkaiserem nei nejesa eyebuwenaram jewer, aas galserem angtane kapka gwinem aa jes ne eyebuwenaram. Jengga nei nafap nejeya nwinirim, nejama eyebife jeiserem nei galap nes je batobaabife bawasfar nejeba ernaram.

Afa aamei angtane nafsi jam isa nesiktababilirim, aamei kapka jep ijama eyeipmiyen. Aamei angtane nafsi jam jep igama nesiktababilirim, jes jepserem aamei Hukumu Nabi Musamanaiserem seyafter ga ima onsobili.

Isa waraulmini seyafter, afa aamei angtane nafsi utanga jep imsa gwebiliye. Ga enggam, pajaka seyafter jes gemerserem ga isa gaarmini. Ane ga isa golmini hormata pegawai pemerintafe.