Popular Bible Verses from 1Korintus 3

Share

Aamei angtane Uwa Sanbagiri iJeya tebanaram, aamei sa sarstaabon, aameiba Jena Uwa Sanbagirmanaiserem, ane Mafnana Uwa Sanbagirmana Jei im inip gam nuniton.

Ane aiba angtane Jena Uwa Sanbagirmana aa jei eyebilirim jei galserem. Angtane jena waakenfer jam se gwitiririm, jei gwanan temen jagomelna igsususerem ga jes tonola. Jes gemerserem Uwa Sanbagiri Jeime ai as gemer baftana, ane Jei baabeta Jemna ap gulbana enggalfe, aiba angtane nabal danalam taterisi Uwa Sanbagirmana igsususerem Yesus Kristusem temawer gwanan is agam nasipmif ibe. Yesus Jeiba temen jagomelna igsusu galserem. Ane angtane nafsi jei gamjon am amnup is mes towas-towastababilint taterisi Uwa Sanbagirmanaiserem jem temawer. Angtane nafsi jeiserem jeiba angtane aas galserem, angtane aa jei gane batobanaram jena jam eyebife. Jengga angtane seyafter taterisi Uwa Sanbagirmana aa jei ne towas-towastababilirim, jei ga nimnafer jam ne towas-towastababiyen, jengga jei waakenfersus jam sene towas-towastababili. Taterisi Uwa Sanbagirmana igsusu jeiserem ai nabal-nabalsusu isa ajes nasipminintim ibe, taterisi jeiserem ga Yesus Kristusem temawer. Taterisi igsusu nafsiserem fas, aam temawer Uwa Sanbagiri Jei enggam gunu taterisi igsususerem ga Yesusem temawenefener.

Ga jem temawer igsususerem ga Uwa Sanbagiri Jenfentowai, aam temawer Jei Jener se eyebili jega aamei samfer unggwanfersus waakenfer gam isa sarbili, gwanan jepserem jepyan. Ai angtane aa jei nasbinennerem, ane Apolos aa jei towas-towastababilirim, ai nawersamer angtane ig nawanyan.

Ai ane Apolos ai nawersamer awelna Uwa Sanbagirfar aya gwebili, awelna Uwa Sanbagirmana. Ane aamei angtane Uwa Sanbagirmana, aameiba makana Uwa Sanbagirmana jes galserem. Ane aameiba Jena Uwa Sanbagiri aa jes eyebilirim jes galserem.

Nunu Kristus aa jem forsanyaram enggalfe angtane seyafter jem tenebaabuwefe, nunu jes jemerserem angtane seyafter Kristus aa jei ne tebanaram, awelna jemna jei aa jes ne gwebilirim gase gweraulmisi enggame afa waakena afa kapka. Nunu jes jemserem, angtane Kristus aa jei ne tebanaram, awelna jemna ga jem se gweraulmisi tokwame. Awelna waakenfer aa jes gane eyebilirim, jeiserem jam wasferulyon tokwame. Jengga awelna kabwakfer aa jes gane gwebilirim, awelna jeiserem ga jem se wasferulsu.

Angtane aa jei gam tonolaram, ane angtane awelna makanap aa jei gam gwebilirim, jei awelna ini daamfennaber ge gwebili. Ane Uwa Sanbagiri Jei fwaina daamfen-daamfenneme gase kitulmini angtanefe, angtane daamfen-daamfennem awelna jena aa gemer ne gwebinennerem.

Aamei inin ijama afaf-afafsoyan. Afa angtane imniwer jei jen jena enggam jam gam balaram, “Aiba angtane tousam, angtane ogirmana jem nwenabe.”, angtane jeiserem tousa ogirmanaiserem jam se aftabunnu, ane jei Kristusem gwonap gase gwena. Ane jepga jei bunarsusfer gase etamwena angtane towasfe.