Popular Bible Verses from FILIPI 4

Share

Iḇye mkoraryof rosairya wer kako, mboi mkofasna roi ḇeḇor kam marisen mkoḇena faro Allah ro nadi ma fararyor kuker kafkofen kasumasa.

Saswar-ḇaḇye ro Allah, ḇesyadi ro kakara, nari nfaduru sne ma kakara mkoḇena snar Yesus Kristus.

Inja papupesya, naek srar, ḇekaku mkoya kam, ḇesma snonsnon mkoya kam, ḇenapes mkoya kam, ḇesren mkoya kam, ḇefafir mkoya kam, ḇewos pyum mkoya kam, ḇeḇenaḇye mkoya kam ma nari ḇesma sanandik, mkokara roi ḇeḇor anna kam.

Ro roi ḇeḇor nakam yaḇarna snar Kristus ḇeḇuk samambraḇ maḇe aya.

Mkoryaḇ ḇesya kwar snar Manseren! Yakofen ḇeoser wer: mkoryaḇ mura!

Allah yedi nari myunsu fandun mkoḇena kam imnis raris nana ma papoik ḇyedi ro Yesus Kristus.

Ma rosai mkofarkor kwar, ma rosai mkosma kwar, ma rosai mkomnaf kwar, ma rosai mkomam kwar ro aya, mkofrurna. Mboi Allah ḇeḇeknam saswar-ḇaḇenaḇye nari ryowus mko.

Iḇye syadi sneḇefafir mkoḇena snonkakusya kam sifawina. Manseren fyanam kwar!

Yafawi rosaiso ḇaḇebakyafya ma yafawi rosaiso andidoya. Ro roi ḇeḇor kam ma rosairya wer nekankunes wer maro aya ḇa; iḇye rofafisu yasyopen, iḇye rofafisu yabiser, iḇye rofafisu andido, iḇye rofafisu bakyaf kako.

Yakofen rarirya snar yananjar ḇa, snar mankundaya yafrur mnis fandun yena ro fafisu nakam.