Popular Bible Verses from 1 KORINTUS 6

Share

Mkofawi baken mkoḇena irya moḇ kankain faro Allah Rur ḇyedi. Rur ani kyain ro mko. Ma Allah mankundi ḇeḇuk Rur ani faro mko. Baken mkoḇena mkoi ḇenananyaḇa. Mboi Allah i ḇenananya. Allah fyarwenamuk mko kwar ma ḇyak namuk mko kwar. Inja, mkofaduru baken mkoḇena naḇye kaku insa Allah isma sanandik.

Wafawiḇake snonkaku ḇeso Allah marisen ḇyenaḇasya, nari sakḇe kinaḇa ro Allah kawasa ḇyesi? Imbude sḇeankar naek uri. Snonkaku ḇefrur farbuk, snonkaku ḇesyom amfyanir, snon ḇefarḇuk kuker snon min sesi, mankarawraw, ḇeyanfarmbram ma ḇemasaser, snonkaku ḇeyonef min sesi, ma ḇeyankarkar snonkaku ḇese – snonkaku ḇeradinesya kam nari sakḇe kina ro Allah kawasa ḇyesiḇa.

Mkoḇinkwan bur fararur farbuk. Snar sasar ḇeḇor ḇese snonkakusya sifrurna, sifrurna ro ḇandibur baken sena. Ḇape snonkaku ḇefrur farbuk, irya ifrur sasar faro mankundi baken ḇyedi ḇardi.

Ono sikofen ḇo soḇo, “Ayama yamkei yafrur roi ḇeḇor kam.” Ḇape faro aya nefainda kamḇa. Inja yafrur rosairya kaker, ḇape yamewer roi oso ḇyewayam aya.

Allah ḇyawes Manseren Yesus kwar ro marmarya, rarirya kako Allah nari dakḇawes ko kuker papoik ḇyedi.