Popular Bible Verses from TITUS 2

Share

B̄ara Ruma Hatalla wa'ura katadana anugera-Na d̄i kasalamana samenana ela manusia. Rahama Ruma Hatalla ede nangoa ra teiku ndaita loakud̄u wati walira mori mawati ncihi ncao lab̄o rakane'e b̄a Ruma Hatalla ro wati b̄atu rakane'e b̄a dunia. Ndaita rangoa ra tei d̄i morikai ade dunia ake kai b̄adeta pi'i ade, nira ade, ro to'a d̄i Ruma Hatalla.

Ake ndaita wunga ngena Ainaina rapamao b̄a ndaita ede; d̄i Ainaina ede dunia d̄ima'eda d̄ese ra ntasa Ruma Isa Al Masih, eded̄u Ruma Hatalla Mawancu Na'e ro Sangaji Mambei salama ndaita. Sia wa'ura korobana weki ndai-Na d̄i ru'u b̄a ndaita d̄i horikaina ndai rad̄i samenana ma'iha, ro kandad̄ina ndai sab̄ua ela ma wa'ura hori weki rad̄i dosa ro mawa'ura ndad̄i ntau Sia mpoa, ro ma caha karawi mataho.

D̄i ade samenana lampa rawi, pab̄uapu nggomid̄oho ndad̄i conto mataho ruku ra rawi ma taho. Nggara nggomi mateisi dou, nggomi pab̄uapu nuntu ra nggahi mantiri ra marombo lab̄o kapodapu ademu. Kanipu nggahi ra eli ma timba ra lemba, ma wati loa d̄idaca'u b̄a dou, loakud̄u musu-musumu ndad̄i maja b̄ara wati wara lampa rawi ma'iha d̄i mod̄a nggahikai b̄a siad̄oho mab̄oha ndai.