Popular Bible Verses from ROMA 1

Share

Yaku anggayo tuuno naikon do Bilita Monondokoo, sabab do bilitadoo doiyamo Mian Bisa nabukuanan sulano nasalamatene sasaibino komian mo mangangga; tumbe-tumbeno Yahudi miano, tukon bangsa bailon koidan.

Sabab tukon do Bilita Monondokoo, ko Mian Bisa okitakene bulaando kona cara kobanggapi napotaamian tukon Mian Bisa nateali monondok koidan; kona cara doiyamo, mangangga doi Mian Bisa, doi natambuunan polong doi napupusan. Doiya buno pokakana komo totulis doi Kitab Moliyous lalomo, “Mian mo mangangga doi Mian Bisa tobikon kona potaamian tukon Mian Bisa teali monondok koidan tobikon do mianoo naikon tubo!”

Salataa ko Mian Bisa tealikene kodunia, sipat-sipat Mian Bisa mo aki natokita, doiyamo ndondoong nabunoan Mian Bisa tukon nakuasa posidutukon, lapamo moolamo kobanggapi mangalatikene mololoi sasaibino komo lapamo tinealikon. Jadi kobanggapi sasaibino akiyono tuuno kona alasan sulano naokobisakene kobutongo.

Kobanggapi tingoniiyo ko Mian Bisa, bai kobanggapi aki yana buno Mian Bisa tukon aki koidan nabakinatauwan doi yana. Kobalino kobanggapi pikikene komo boli-bolikon; yanila noano teali kalipookan.

Mian Bisa mo bisa, yanila soboliyo tukon lobo mo aki nabisa. Bolikon Motealikene baimo domo tinealikonoo doiyamo komo sinosubai tukon yanila nalineleani. Banggokai domo tealikenedoo komo siokai nangginaal posidutukon! Amin.

Doi surgaa Mian Bisa tudoikene kona nggimalan doi sasaibino kolalim tukon banggapi nakulokisan, sabab kokulokisan kubaiyo kobanggapi sulano natingoniiyo kootunggul mobisa tentang Mian Bisa.

Sabab kobanggapi kubaiyo komo buno doiya, maka ko Mian Bisa sobiikenemo yanila loloiyo konoanoila mo lokis. Yanila naboi-boine akimo natatalik doi mala-malane buno komo biasa doi banggapi, baimo tatalik doi tulano boine. Mau mala-malane koidan; yanila akimo koidan napokokonoi mokubaiyo kona hubungan tukon boine, baimo kai memeetene kotulano malane. Mala-malane kubaiyo kona kokubai mo akamaayo kotulano mala-malane, tobikon yanila mantalima posoboli mo pokakana tukon yanila nakokubai mo lokisoo. Kona sabab kobanggapi aki nalasayo palaluu tingoniiyo ko Mian Bisa, maka ko Mian Bisa sodiikene yanila napikilan nateali lusak, tobikon yanila kubaiyomo kolangge-langge yanila mo aki namoola kubaiyo.

Yanila lasaiyo kobutongoila pandoi, banggokai yanila longas. Bolikono Mian Bisa posidutukon yanila nasinosubai, baimo kai timbalang-timbalang mo buno mahluk mo moola mate; doiyamo banggapi, tomisi, iyayon mo sangkap koaino, tukon iyayon mo dadul.