Popular Bible Verses from FILIPI 2

Share

Inai mokubaiyo komeeng kolobo sabab tolongo kopontingan butomu susuumu, kabai tuuk basombonggene kobutomu. Kona kabalikan siokai komuyu suwe-suwele tukon noa monondok anggape komian bailon lobian monondok doi butongo susuungo. Potingoniiyo komian bailon nakopontingan; inai tongo kopontingan butomu susuumu.

Siokai konamuyu nabuno Yesus Kristus

Doi natutunan Yana pokakana tukon Mian Bisa, bai Yana aki narasayo baikon Konakaadaan moilahidoo sio Napertahankanggene. Kona kabalikan, Yana sobiiyo sasaibino maka teali pokakana buno meeng koata. Yana teali buno banggapi, tukon tokita tubo buno banggapi. Yana ekependeyo kobutongo, tukon tubo taat doi Mian Bisa polong mate – doiyamo mate sinempang.

sabab Mian Bisa susuungo komo balimang doi butomu lalomo tuuk kubaiyo komuyu moola tukon teali sanaanggene ko Mian Bisa noano.

Tobikon doiyamo Mian Bisa bingkate Yana kinatandak, tukon beekene doi Yana kakuasaan mo lobian babasal doi sasaibino kokakuasaan bailon. Maka tuuk doi odotiiyano Yesus, sasaibino komahluk modaano doi surgaa, tukon komo doi buta, tukon komo doi buta adeno, naikon sosuba doi Yana. Yanila sasaibino naikon mangaku baikon Yesus Kristus Temeneno; tukon kalu bunomo doiya ko Mian Bisa Tama inakabasal.

Polimangemo sasaibino kolangge tukon inai pomondomunuk kai podangaani. Tukon kalu buno doiya komuyu tudoikene baikon komuyu daano Mian Bisa napau-pau mo akiyo kososiboliino, mo tubo monondok tukon kana doi mian lokis tukon baladosa tanga-tangano. Tukon doi tempo komuyu pelenggene doi yanila kobilita mo beena tuboan, siokai komuyu siokai poteali doi yaniladoo pokakana kocahaya mobersinar mo taraangiyo kodunia. Kalu komuyu tubo buno doiya, sio nadaano koalasan buat doiyaku sulano kurasayo tobinggat tentang doi komuyu doi tempo Yesus Kristus nalubatan koikoidan. Doiya kona tokitaan baikon daku perjuangan aki napalasuma, tukon daku kakaatean daano kohasilo.

Sabab doiya, Utus-utus mo sineang, bunomo lakon komuyu sidutu taat doi yaku doi tempo yaku daano doi komuyu tanga-tangano, maka lobian maukai diabudodoo nda pododoonggono, bai komuyu siokai potataap taat doi yaku. Komuyu lapamo Mian Bisa salamatene, jadi pokakaate momeenggon sulano komu monondokan teali monondok tuuno. Lakukanggene doiya tukon odotiiyo tukon taat doi Mian Bisa