Popular Bible Verses from PONGOTUNGGUL 9

Share

Limangemokai sasaibino komulimang tukon kokobukuan. Sabab naikon akiyono kopikiran kai balimang. Akiyo koilmu kai hikmat doi mian momate nadunia. Tukon dombalaamokai naikon komu tausan.

Doi dunia nia daano koidan daku kinita: kobakurebean aki sidutu mian momodoling obuku komo menaang, polobosian aki sidutu mian mobukuan komomenaang. Mian momamangan konapikiran aki sidutu malaat hasil baunggolian. Tukon mian mopandoi aki sidutu malaat kasaan. Koidan saibino koahli aki sidutu teali tololongol. Sabab indee komianno tolong bai kanakon tuboan mo soe.

Rasakanggenekai kotuboan tukon muboloki ikoo mamasikene sementara mutuboan moakiyo kotakoso, ko Mian Bisa mobeekene doikoo doi dunia. Rasakanggene sasamba kooloyo maukai naakiyo kotakoso. Sabab tambo mupakadakan tolongo doiya tolong.

Ayo, kaanemokai tukon tedes, inumemokai komu anggur tukon sanaang. Ko Mian Bisa aki nakabaratan, bai Yana pokonoi.

Kohikmat liisiyo kogunano tukon kosenjata, bai kocet mau natongo soisik mola, narusayo kosusu meeng kobelanga.

Lobian kona momondokan mondongolii bantilan-bantilan meeng komian pandoi tanaang luwedoi meeng komian mowookon moberkuasa doi kumpulan lalomo mian-mian molongas.

Komian, motubo, pasir toiyo baikon koajal totiiliyo yana, komian mate aki namotoiy oioila. Tuuk doiyana akiyo konda patambo kai imbalan jasa, tukon kosambuno tinoliminggono.