Popular Bible Verses from RASUL-RASUL SALITANO 2

Share

Petrus timbiliyo, “Pobadodoloon doi polalim-lalim. Tukon komuyu meeng-meeng sio sinau paisu salani luwedoi Yesus Kristus sambuno, sulano kopoo lalim-lalim inompuni. Maka Utus-utus naikon mantalima tambo Mian Bisa Na Roh moluwedoi Mian Bisa.

Tukon tutuu yanila banggadudul monggiotunggul doi rasul-rasul tukon sidutu pototongi posinggat-singgat. Yanila kaan posinggat-singgat tukon sambeang posinggat-singgat.

Yanila sasaibino kinuasai tukon Mian Bisa Na Roh, maka yanila basilingan doi moimoiya kosilingan tentang. Yanila basilingan manurut oila komo Rohdoo beekene doi yanila sulano napobantile.

Sosinggot doimbaa tololongol komeeng kolobo mobulungan doi dapang buno mbombuul momakansang konapuulan. Mian modaano moosulang doi bonuadoo sasaibino moono tukon do langgedoo alalo mobulungan. Maka yanila kitayo komian alep-alepo pokakana koaung mokolot dadul doi yayaa tukon totol doi yanila meeng-meeng. Yanila sasaibino kinuasai tukon Mian Bisa Na Roh, maka yanila basilingan doi moimoiya kosilingan tentang. Yanila basilingan manurut oila komo Rohdoo beekene doi yanila sulano napobantile.

Samba-samba kooloyo yanila pototongi doi Temeneno Na Bonua; maka napokaan posinggat-singgat, tukon laba-laba tukon yanila aki nasombong-sombong doi yanila nabonua. Yanila tolongo nggaa-nggaale ko Mian Bisa tukon yanila sineseang doi sasaibino komian. Sasamba kooloyo kona kadaang yanila tosuungi sabab ko Temeneno beekene doi yanila komian budodoiya mo sinalamaton.

Mian Bisa bantile, ‘Doi lounu napupusan Yaku naikon kundange Ku Roh doi sasaibino komian. Komu pau-pau mala-malane tukon mupau-pau boineno Yana bontiikene doikoo kolangge-langge Yaku mo bontiikene doi yanila. Mian-mian mutabo yana kitayo kolangge-langge Yaku mo tudoikene doi yanila. Mumian-mian momotuwa yana olumon tentang olumon Yaku mo beekene doi yanila.

Mian momanganggadoo sasaibino banggadudul pomeenggon tukon oila komo daano doi yanila, yanila bapake posinggat-singgat. Yanila balukene kona polangge-langge tukon yanila nabuat, maka napo obosikene kodoyno doi yanila sasaibino menurut meeng-meeng nakapalaluuwan.

Doiya kosinggatoo, mian mo uang doi Temeneno naikon sinalamaton.’

Oloyo naikon teali kalipookan, bituwon teali memela pokakana kosau akiyoon nalaate ko Temeneno na Oloyo, Oloyo mo babasal tukon motaanggadoo nalubat.