Popular Bible Verses from Salmos 97

Share

Núlöliʼ nadxíʼiliʼ-nëʼ Xanruʼ, guliʼguequi ziʼ le naca döʼ. Run chiʼi cazëʼ böʼ nácagaca caz nupa néquiguequi queëʼ. Rusölë́ʼ léguequi lu náʼagaca nupa tuáʼ döʼ.

¡Buliʼsíʼ xibë́ʼ Xanruʼ núlöliʼ nácaliʼ tsahuiʼ! ¡Buliʼsubán ládxiʼliʼ ca nunëʼ Dios Láʼayi, en guliʼcuʼë yöl-laʼ ba!

Ruzeníʼticaʼsö beníʼ queëʼ nupa nácagaca tsahuiʼ, ateʼ tuʼzíʼ xibë́ʼ nupa nácagaca dxiʼa.

Nayë́pisëtërö cazuʼ Liʼ, Xan, ca yúguʼtë nupa nacuáʼ yödzölió. Nayë́pisëtërö cazuʼ Liʼ ca yúguʼtë dios quégaca bönachi izáʼa.