Popular Bible Verses from Salmos 51

Share

Dios quiaʼ, bun dxiʼa ládxiʼdaʼahuaʼ, en guchiza nedaʼ tu böʼ cubi le nuzúʼ tsutsu.

Bunna quiaʼ yöl-laʼ rudzeja que yöl-laʼ rusölá quiuʼ, en ben ga gunaʼ ca rnna xtídzuʼu idú ládxaʼa.

Bitiʼ ucuítuʼ nedaʼ ga zoaʼ loʼ Liʼ, en bitiʼ ugúʼ Dios Böʼ Láʼayi quiuʼ Nu zóalen nedaʼ.

Le rë́ʼënëʼ Dios le naca ca tu le cúʼuruʼ lahuëʼ naca böʼ naca cáziruʼ le nötaj nagula ladxiʼ. Dios quiaʼ, bitiʼ ucáʼanuʼ cáʼasö ládxiʼdoʼotuʼ le ruhuíʼini ladxiʼ, en le naca nöxaj ladxiʼ.

Dios quiaʼ, buzáʼ ladxiʼ quiaʼ tsca naca yöl-laʼ dxiʼi ladxiʼ zxön quiuʼ, en tsca naca le zián le ruzáʼ ládxuʼu quiaʼ, bugúa yuguʼ le gudáʼbagaʼa loʼ Liʼ. Buguíbiticaʼsö nedaʼ tsca naca döʼ biʼa. Buchiʼa nedaʼ lu dul-laʼ nunaʼ.

Buchiʼa nedaʼ len le ruchíʼaninuʼ, ateʼ gacaʼ dxiʼa. Buguibi nedaʼ, ateʼ huöácaʼ zxílaʼdoʼos.

Loʼ Liʼ cazuʼ benaʼ dul-laʼ, en loʼ Liʼ caʼ biʼa döʼ. Naca bëʼ nacuʼ tsahuiʼ cateʼ ruʼu didzaʼ, en idú dxiʼa, en tsahuiʼ nacuʼ cateʼ ruchiʼa rusörö́uʼ queë́tuʼ.