Popular Bible Verses from Pangngitanna Yohanes 3

Share

Itai, ke'de'ä' di hao di olo baba anna ma'karaä'. Ponna aha tau ang manghingngi kamahangku, anna umbuhkei baba, la tamaä' kupellambi'i. La mandeang sibaha-baha.

Kuinsang samai ang umbabea'. Dakoa' masumanga' di Kodi' anna datoukoa' masumanga' mambaliä'. Malae' ke la poro ahai mesa, masumanga' di Kodi' bahtu' bilang masumanga' mambaliä'. Ampo' aka' noang babemua' makuhtu, dahi la kupentibeingkoa' yaling mai di oloku.

Tau ang kukalemui dianto ang kukambahoing anna kupaturu. Dahi pahallukoa' suhaka anna mengkatoba' di hao mai di dosammu.

Kuinsangnga' pembabemu. Kuinsang toi dai umba sama kamatohoammua', ampo' untuhu'imokoa' pepakuhungku, anna umpetahpa'ä'. Puhang kubuhkeiingkoa' baba ang la dai mala natutu'i moi poro la mesa tau.

Tau ang patalo, la kupabeine' mohko'ang sibaha di ongeang katomarayaangku. Sinnoa Kodi' puha patalo anna dinoa mohko'mä' sibaha Ambeku di katomarayaanna.

Ungngoaa'tee, ‘To makakaang anna sundung; daang aha kalala'.’ Ampo' daia' ungnginsang kalaemu meuho-uho anna masuhsa diita katuhoammu. To pemase-masekoa', dai paita anna mohobeläng.

Untuhu'imokoa' pahentaku, dianto sa'bara' ungngolai kamasuhsaang, dahi la kudakaikoa' di tempona kamasuhsaang ang la unghoa inde lino. Inde la dahi anna malai unsändä'i ingkänna tau di lino.

Dang masae anna sulemä'. Pahallua' umpatontong kapampetahpa'ammu di Kodi', anna malai dai aha tau manghampa'ikoa' saho kapataloammu.

Dahi kalehakoa' anna pamatohoi ang ahake' di kalaemu akinna pa'da. Aka' samai pengngoya'mu ang kulambi', dake' sundung di olona Puang Alataala.