Popular Bible Verses from Markus 14

Share

naoatee, ”O Ambe', Ambeku, dai aha mesa ang tala mala umpadahi. Ke la malai anna umpakahaoingkä' inde kamadahhaang hao mai di Kalaeku; ampo' tadia pangngelo'ku la dahi, supung pangngelo'mu ang la dahi.”

Madakakoa' anna pa'sambayangkoa' anna malai tähäng kapampetahpa'ammu ke disändä'i. Kuinsang inang pemalakoa' mepaihang, ampo' dasiang mala aka' inang noa tubunne' sipa'na hupatau malamma.”

Kutula'ingkoa' setonganna diamoto ang naongei dipepainsangnging Kaheba Mapianna Puang Alataala yaling di lino indee, ya' dia tuntone' la dipantula'i inde aka ang puha nababe bahine anna dikalehai loloi.”

Ungngoaminte yatoii, ”Masuhsa liu inahangku dinoa, sinnoa yato ang la mate kusa'ding. Tohhomokoa' dinne anna madakakoa'.”

Mengeke' sika mande, ya' ungngalang roti Puang Yesus anna umpalaui behe dai' di Puang Alataala anna umbika-bikai yato roti, mane nasusai pano di pahsikolana anna naoaitee, ”Alai indee, dianto inde bätäng kalaeku.”

Puhai yatoo, ya' ungngala bung enu'ang ang keihsi angkoro' anna umpalaui behe dai' di Puang Alataala, mane nabeai pano diii, naenu' nasibala'-bala'i. Ma'karang Puang Yesus, naoatee, ”Inde angkoro' dianto hahaku ang napake Puang Alataala umpasundung pa'dandianna. Inde hahaku la titollo unsulängngi ingkänna tau ang mampetahpa'.

Ma'tula'mi Puang Yesus pano di pahsikolana naoatee, ”Dangnga' la aha kapampetahpa'ammu, aka' yaling di Suha' Masero aha tiuki' tula'na Puang Alataala ang naoatee, ‘Yato to pangkambi' la kupatei, lambi' ingkänna yato domba ang nakambi' la le'ba'i sisähä'-sähä'.’

Ke'de'mokoa'! Suleng yato tau ang la mambehoä'. Maimokoa' talao tapellambi'i.”

Naoaminte Puang Yesus, ”Kutula'ingko setonganna bengi dinoa dolunna mane' mentuhturuu' kapendoanna, inang puhamä' umbahoi pentallung.”