Popular Bible Verses from Lukas 2

Share

Allo dinoa dinne di bohtona Tomaraya Daud dipadahimingkoa' To Pepasalama', dianto Dehatanta, To Dilanti' la Mepasalama'.

Ya' ma'tula'mi yato malaeka' pano diii naoatee, ”Daa ummahea'a' aka' setonganna la kupainsangngikoa' Kaheba Mapia ang la napomasannang ingkänna tau di lino

”Diängkä' kamatandeang dai' di Puang Alataala yaho di ongeang kamatandeanna, anna kamasahkeang yaling di lino pano di tau ang unsa'ding pa'kalemunna.”

Anna yato Puang Yesus tuhtuang lobo' anna tuhtuang kehängngäng kakeaka'anna anna tuhtuang napakamaya Puang Alataala anna ingkänna hupatau.

Anna malaia' umpetahpa' inde aka ang kutula'ingkoa', la noa indee tandana: la ullambi'koa' mesa änä' malea disapu' kaing, anna diloling di hoi' di pahahang.”

Donetoo di bengi di hao yato di bohto, aha sangngaka-sangngaka to pangkambi' ang menge undakai pangkambi'na di hao di päsäng. Pihsananna ke pihsa'e' aha mesa malaeka'na Puang Alataala ke'de' di alla'-alla'naii anna landa'i kamatandeanna Puang Alataala lambi' sika mahea' liu.