Popular Bible Verses from Galatia 3

Share

Moinnakato sihatang la titändoingkea', ampo' Kristus umbala'iingkea' lambi' malaingkea' kita' lahpa' di hao mai yato di petändo. Aka' tiuki' yaling di Suha' Masero naoatee, ”Menna-menna mate ditoke' yaho di kayu, tau yatoo nahoa petändo.”

Dahi dang pole' dipasisenga'-senga'ang hupatau ke yalimmi di Kristus Yesus, to Yahudi anna tau ang tadia to Yahudi, sabua' anna ang tadia sabua', muane anna bahine, aka' para-para asammi yaling.

Dahi aka' to pentindo'namokoa' Kristus, ya' diongnga'too peänä'anna Abraham ang la namana' Puang Alataala yato ang puha nadandi.

Nabala'iingkea' anna malai yato pebehe ang puha nadandi Puang Alataala pano di Abraham la dibea toe' pano di tau ang tadia to Yahudi aka' pengkähänganna Puang Yesus Kristus. Anna la untahimboingkea' Inaha Masero ang puha nadandi Puang Alataala ke umpetahpa'ingkea' pano.

Dahi maleso dioatee dai aha moi poro la mesa tau la napemarohoing Puang Alataala aka' umpembabeing Atohanna Musa. Aka' yato inang tiuki' yaling di Suha' Masero naoatee, ”Tau ang naangka' maroho Puang Alataala la ullolongang katuhoang mapia aka' kapampetahpa'anna.”