Popular Bible Verses from ROMA 4

Share

Are Allah ambeseme bamompim apoken. Are Allah ataaji aee atakam, bimak binip arke apoken. Are Allah ambesemen. Erarawa jak fiak aememen. Are, “Allah akotnak.” Emes atakam aesimen. Are bimak binip atetaramen. “Allah fiaknak. Are era ataaji aeen atakam aemkoromteman.” Emes atakam aesimen.

Ere Alkitab atakam jipu. “Dere wore samane tanane arerokor, emes ataemommin.” Allah emes atakam aesimen. Me ataaji aee Ipit, ere Allah. Emes ataaji aee, ere fiaknak. Abrahamam Allah ambesemen. Me Allah, ere, dambir owe bajaoromwasumtumtam Ipit. Are atakam asakamtamum. “Era ji baerem apok pak, emes ji baeremtas.” Emes atakam aesimum. Me Allah, emes aememmar Ipit.

Dare dosa baem owe. Erarawa Allah, Yesus, dambir batem aotasimemomtame. Allaham, Armat Ipit, ajaoromwasumtume. Ere, dare turunak owe, emes atakam basakamtii are.

Me Abraham, ere emak fiaknak aememen. Erarawa are jii baemefim asan apoken. Emesanare, armat ipit ere, Allah jiirey taka aeen. Are Allah ambesemen. Erarawa are samane tanane arerokor aememen. Ere Alkitab atakam jipu: “Wururupis ere tananenak aememtemas.” Alkitab emes atakam akorem.

Abraham, Allah ambesemen. Erarawa Allah ataaji aeen. Era pak, Allah, Abraham arurupis takes, bambi atetamto pak baporom are. Era bambi batetam pak ere, era Yahudi owe basakamtam atakam ji bae owe aapak taka apok. Anom Abraham, Allah ambeseme emes tamen owe aapak. Me Abraham, ere dare takes darerokor.

“Allah, wan owe ajaos pak, bimak binip ajanimemtame. Are era owe adosa akokomosome. Era owe, ere asan akot. Tuhan, era owe adosa bajititimaraar apok aemum. Emesare, era owe asan akot.” Daut emes atakam aesimen.

Me Alkitabam, “Abraham, Allah eemnak ambesemkorome. Erarawa Allah, armat ipit, turunak ipit, emes atakam asakamtiie.” Alkitab emes atakam akorem.