Popular Bible Verses from FILIPI 4

Share

Tanom jokey bajie bas. Me, atakam Allah bajanim takar. Atakam Allah ajanimtakam, terima kasih atakamam Armat Ipit akoromay.

Allahrawa, aji baem jak tamen tara atetamteman. Erarawa tare jak pota baemap apok aemtemakam. Tanom bimak binip pota batetaram apok aemtemakam. Tare Kristus Yesus ajamkaimakam. Erarawa Allah era pak aemteman. Emesare, dare asamot owe taka. Erarawa dare Allah atetamtaro ji baem jak, bimak binip baemetetaramkorom asan apok.

Dejoo owe akotnak! Are asep atakam ere, era atakamnakam, era akot pakam, era jaos apok pakam, era asan pota apok pakam, era bafaim pakam, era jane bajie akot pakam, bimak binip atetaramkoromay. Era turunak pakam, era basitim pakam, bimak binip atetaramkoromay.

Emesare, Kristus fiak pak dera atetamman. Erarawa dere era pak takes baem akot.

Emesare, tare Tuhan ajamkaimakam. Erarawa jak akot aememaaray. Dere ara atakam aotasimmin. Jak akot aememaaray.

Me deAllah, ere akot pak daytu aemommar. Are Kristus Yesus aeme pak aporem. Erarawa Are era asan pota aemapmakam pak takes, asan akot aemteman.

Era aememtamo atakam, deatakam ataetekem atakamam, deatakam jane ajiekem atakamam, ji aeay. Era aemo pak jipuam aemay. Emes aemtakam, daji baem jak atetammar Allah, tare takan aemteman.

Owe takes, tare owe tayieakot aemmakam baportas. Me Tuhan aofasiendaeto bare, ere setep.

Dere wan bare pak apok aemapo. Wan baream pak daytu aptam aemapo. Me, era samaniin samaniin aemapmin, dere jak akot aemapmin. Juiin afaafemaram, dere jak akot aemapmin. Dere emes baem aememo. Emesare, dere jak tuku aemaptey apaye, dere amosto aemaptey apaye, pak daytinak aemomemtey apaye, pak apok ajirisemtey apaye, dere jak akot aemapmin.

Dere ere, era pak apok ajirisememin pak atakam apok. Dere pak aptam baemap apaye, pak apok baemap apaye, ere dere jak akot baemapaar aememo.