Popular Bible Verses from EFESUS 5

Share

Tare Allah arereis. Armat Ipitam tara afaimeman. Erarawa tare Armat Ipit tamen ajamememay. Tanom owe afaimay— Kristus dara afaimero emes tamena. Are dambir atemtamero. Are dambir atemtamero. Era dambir atemtamero pak, ere, pinim akotnak pak, Allah jis bajaatam pak emes tamen are.

Erarawa, era aemmakam pak turunak aemkoromay. Tare bimak binip baso owe aememay. Bimak binip jiiti owe baemem bas. Ara aemansa bareiin, owe potanak pak aememas. Erarawa, tare akot pak baem asan akot aportakam, era akot pak aemay.

Tanom bir bwi banda jaytu bapie bas. Era bir bwi banda jaytu bapie owe, asan pota aemememas. Me, Allah Jip tara baemomemkoromteteraartan. Tare Tuhan basitim soam, Tuhan atakam soam, Allah Jip atetammar soam, tarmamon ajamkoromay. Me Tuhan atakam soam, Ara basitim soam, jak akot tere Tuhan aeomay. Tanom Daritipit Allah, era atetamman pak takes terima kasih atakam Armat Ipit akoromaaray. Tare Yesus daTuhan ajamkaimakam apormakam are.

Tanom janda baemap bas. Tare Tuhan era akot apormar pak aporkoromporay.

Oorey owee! Tatapesti afaimay— Kristus, Ara basitim bajarisiap owe afaimemar emes tamena. Emesare, Armat Ipit dambir era owe atemtame.

Bonak ere, tare jiiti owe aememaarukum. Waa ere, tare Tuhan aowe. Tare soro owe aememekem. Emesare, tare soro owe pak jipu pak aememaaray.

Tare Kristus eemnak ambesemkorommakam. Erarawa tarmamon, atakam ji ajameaamay.

Tapese! Tambis atakam ji aeay— tare Tuhan atakam ji aemakam emes tamena.

Me, era atakam tare poreemema ajiekem atakamam are. Tadamo tamba afaimtetermakam. Erarawa tanom tatapesti emes tamen afaimteteray. Tapesam ambiis basitimtas.

Me Alkitabam: “Erarawa, jipit era aritipitam, arsootam, beken bajiosto. Are aremo takan baemapto. Era toatipitam, damo taka bajaoremtamis.” Emes atakam akorem.

Tanom era jiiti pak baem bas. Era jiiti pak, ere bambi pak erare. Tanom era jiiti pak baso aporomay.