Popular Bible Verses from EFESUS 3

Share

Allah, ere fiaknak. Are era fiak pak, dajak bomon, akotnak pak baem aememem. Dare emes akotnak pak baem, atakam Armat Ipit baemejanimkorom asan apok. Danom era pak bimak binip baemetetaramkorom asan apok. Allah, owe, Kristus Yesus basitim bajarisiapaar, bimak binip akukuretiien. Are Armat Ipit asamot owe Bajortaer Ipit ataemomen. Erarawa owe, “Allah akotnak,” emes atakam bakoreaartas. Ara atakam, ere atakamnak.

Allah aakotipitnak pak ere daytinak. Erarawa, dere, Armat Ipit Kristus bajamkai jak fiak tara batetam, emes atakam ajanimtamemin. Emesare, Allah Jip emas jak tara batetamtan. Erarawa tare Kristus eemnak baesemkorom pak, Kristus tajak bomon baemaptan. Denom, Kristus tara afaimen pak tara baemomemkorom, emes atakam Allah fiak ajanimtamemin. Dere Allah, bimak binip baso taraye, era aowe takesam, batetam, emes atakam ajanimtamemin. Erarawa tare Kristus daytinak afaimmaro pak aporkorommakam. Asamot owe ere, abaso bimak binip Kristus daytinak afaimmar pak bimak binip baemetetaram asan apok. Armat Ipit Kristus adaytinak tara afaimman pak tamsamnak baemem bimak binip tara batetamtan. Erarawa, Armat Ipit tara baemomemkoromtetertan. Emes atakam Allah ajanimtamemin.

Dare Kristus takan aemapmaro are. Danom Armat Ipit eemnak ambesemkorommarom are. Erarawa dare Allah bipu baemem jak fiak aememmarom. Danom Allah atakam bakoretam, asan akot aememmarom.