Wore baporey! Era asepnak aemamesteterto bare, owe bajirisem daytinak aemtemas. Era bare, owe adamo taka afaimemtemas. Are pak daytu bataer jak asenomemtemas. Are amba aemetemtemtemas. “Dere owe akot,” emes bimak binip atetaramtetertemas. Tame atakamam akoretemas. Are arisare atakam aotemas. Terima kasih atakam bimak binipam apoknak aememtemas. Owe jaosam aememtemas. Era asepnak bare, owe, owe bafaim apok aemtemas. Are owe soro bajiomem apok aemtemas. Are owe jaos pak aemas, pote atakam akoretemas. Jokoman atakamam akoretemas. Jokoman pakam owe aemtemas. Are akot pak bifane afeomemtemas. Are ajoo owe, jokoman owe aotasimemomtamtemas. Jak ambapam fefnak apumemtemas. “Dere akot, wan owe pota,” emes bimak binip atetaramtemas. Are ara aemansa tapirmi pak jak akot aemomemtemas. Me, are Allah atakam ji bae apok aemtemas. Era owe, Yesus eemnak bamesemkorom owe tamen aememtemas. Me, are Tuhan atetammar fiak pak, eemnak bamesemkorom apok aemtemas. Me wore era owe beak sos asotamey.