Popular Bible Verses from 2 TIMOTIUS 1

Share

Me Allah dara atetamtetero Jip, dare ombare jak baemapom apok. Me, Allah Jip, fiak pak atetamtetermaro. Are owe bafaim jakam, jak fiakam, emes aemapomtetermaro.

Emesare, Armat Ipit ajortaerero. Are dare owe turunak baemem ajateero. Dare akot pak aemom, wanam Armat Ipit dare owe turunak baemem ajateeroe— ere emes apok. Me, Armat Ipit dara bajate, abimak binip bonak akukuretiien. Are asan akot dara baem, jak bonak aseseromem. Bonaknak ere, Are ara tapirmi bakenemtii apok aeme, Are Kristus Yesus aemto pak aporen. Erarawa bonaknakam, Are asan akot dara aemeroen.

Emesare, dere ataane wora aoweommin. Wore Allah wora atetamen tastu pak ai ajaoromey. Dere deban wodamo ten ataetiio, Allah era tastu pak wora atetamen.

Erarawa, wonom daTuhan atakam owe bakoretam damke bas. Emesare, dere Tuhan karai aetammin. Erarawa owe dere buji tame bomon ajiitaapomenis. Me, wore de damke bakem bas. Emesare, Allah Akot Atakam bakoretam owe ajirisemtemarom. Erarawa dera ajamjirisemman. Allaham emes fiak pak wora atetamteman.

Emesare, dere era pak ajirisemmin. Dere ere, emes damke apok. Dere era eemnak ambesemkoromo Ipit demsam. Armat Ipit, ara atetamo pak banamek apeemem— aofasiendaeto bare ajiire. Dere emes demsam.