Popular Bible Verses from 1 PETRUS 2

Share

Me, tararawa, Allah aeremtaere saman. Tare raja Ipit aowe, aTame pak baem owe. Tare Allah karai baetam saman. Tare Allah aowe. Allah, tare era aemmar akotnak pak, emes atakam bakoretam, aereremartaaen. Anom tare era jiiti pak beken bajios, wanam asarenak bajii, ajaten.

Kristus, dadosa, adamo bomon, ara salib wus oup atoomtemete. Era aeme pak, ere dare dosa afiak pak basurumtam are. Era pak dare dosa dambir atemom emes tamen are. Era aeme pakam, dare Allah akot apormar pak jipu baem are. Owe, Armat Ipit damo daso tanane atames. Era daso tanane ere, tara bajaoromtaer are. Tare, bokot janda domba tamen aememaarukum. Me, tare tabanamek bataiomem ipitpu aofasimemomen. Armat Ipitam tadamo anakot bajuum Ipit arare.

Bonaknak ere, tare Allah aowe apok aemapaarukum. Waa ere, tare aowe. Bonaknak ere, Allah soro tara bajiomem, emes atakam bapor apok aemaarukum. Waa ere, Allah soro tara ajiomman.

Japen ajisipetiimas jii, aooto aemansemas. Tanom era jii tamen aememay. Tare Tuhan atetammar atet apoknak aoo, ere Allah atakam aooto tamen aememay. Erarawa tare era bajorem pak sira awotemkoromtemakam.

Dejoo owe akotnak! Ara aemansa tapirmi ere, tare kaaowe aememmakam. Tare ara aemansa tapirmi emes baemapaar apok. Derarawa ataane fiak tara aoweommin. Tare asamot jak basenomem pak beak sos asotamay. Me asamot jak basenomem pak, Yesus Kristus bajamkai jak, batir ajamtamamemas. Tare era Tuhan amsam apok owe bipu aemmakam pak, akot pak jipu aemay. Erarawa, era owe, tare owe jaos atakam akoretas, are era akot aememakam pak aportemas. Asep bare Allah aondaeto, era owe tere Allah aeomtemas.

Tanom jiine eka tamena. Erarawa Tuhanpu ambaromay. Allah Jip, tare tame eka tamen bataato. Ararawa, Allah tame tamen baeapomto. Era tame bomon, tare, Allah Tame pak baem turunak owe, emes karai aeemakam. Tararawa, turunak pak Allah ataetiitammakam emes tamen are. Tanom Allah akot apormar pak Armat Ipit atetammakam. Me Allah Jip, era pak, Allah batetam, emes bimak binip tara atetamteman.

Emesare, tare era asan pota pak takes ajiiosomkoromay: ere pote atakam takesam, era pir aemakam pak takesam, era itim akeommakam pak takesam, era tame atakam akoremakam kupis takesam, ajiiosomkoromay.

Emesare, tanom Armat Ipitpu ambaromay. Armat Ipit, jiine aptam eka emes tamen are. Owe Armat Ipit akoromosomes. Me, Allah, Armat Ipit aeremtaere. Are Armat Ipit akotnak apore.

Tare Musa Basakamtam Atakam damon boemap apok. Me, “Dare Musa Basakamtam Atakam damon boemap apok. Erarawa dare pota pak baem akot,” emes pir bae atakam bas. Tare ere, Allah bambi karai baetam owe aememay.

Tare akot pak aemtakam, tanom era janda owe akoretas atakam, atakam apok aemapomtemakam. Emesare, Allah emes akot ajim.