Popular Bible Verses from ROMA 14

Share

Fun Plenat Uisneno nane ka lasi mnahat fa ai lasi mninut; mes so mansian natuin Uisneno lomin, ma halan nekaf ma malinat natuin Smanan Knino. Atoni le antuthae Neno Anan onane, atoni nane anhalin Uisneno ma napeni kan tola na'ko atoni bian.

Kalu hit moni, hit moni neu Uisneno. Ma kalu hit mate, hit mate neu Uisneno. Es nane te het moni ka ai het mate ka, Usif tunan ini kit.

Es nane te hit mo'e lasi alekot le neki halan nekaf ma antam ota neu he nafena es nok es.

Es nane te kais hit fani alef lasi es neu es! Mes leko nesi hi mituin lasi i: Kais him fani fatu astunas ai fatu aktulis neu hi bae.

Fun antui anbi Sulat Knino nak, “Usif tunan nakua a'an nak, Au moni, ale atoni of anli'tu anbi Au matak ma ale atoni of naliatas Uisneno.” Onane te ale atoni anbi kit of natae kun in lasi neu Uisneno.

Atoni le nekan nateb knino anlimoe, him simo in nok alekot. Kais hi mimolok in lasi.

Hi sekau ki ka, talan te him fani alef lasi neu atoni bian in ate ka? Ate nane hen hake ka, ai hen bel, nane in tuan in lasi. Mes of in anhake nabala, fun Usif tunan anmu'i kuasat he nahakeb in.