Popular Bible Verses from MATIUS 7

Share

“Ma him toti nai, of anfe ki; hi mami nai, of hi mipeni; him leku eno nai of nasoitan nani neu ki.

Fun atoni le antoti of ansimo, ma atoni le in naim sa' of napeni ma atoni le anleuk eno of nasoitan eno neun.

“Ale atoni le amnen Au a'ak ma anmo'e natuin, in onle atoni ahinet le nahakeb in ume bi faut putun.

“Ma ale lasi sa' le him lomi he nati' atoni anmo'e nani neu ki, hi mo'e mani amsa onane neu sin. Fun nane plenat knino ma Mafefa knino sin sulat in nesan kun.

mes eno le an-ana ma lalan le anmalen an ali neu honis, ma atoni ka namfau fa le napeni nan.”

So amtam nai mutuin eno malenat nane, fun eno le anaek ma lalan le anmainua an ali neu amle'ut, ma atoni namfau le sin tam natuin

Es nane kalu hi on atoni asanat le hi mihin ma amfe lasi alekot neu hi anhin, sa' anteni hi Ama abit neno tunan! Of In anfe lasi alekot neu sin le antoti neu In.”

“Kais him fain alef lasi neu es, he nati' kais Uisneno anfain alef lasi neu ki. Fun onle him lefi bian sin lasi, onane amsa Uisneno of anlefi ki hi lasi. Ma atnais le him tai mekin neu atoni bian, of Uisneno antai ki nekin amsa.

Mes ale atoni le amnen Au a'ak ma kan mo'e natuinef, in onle atoni amonot le nahakeb in ume anbi snaen.

Nansa' ho mit hau lapu' anbi ho bae in matan, mes hau pisa anbi ho matam ho ka muhinef ka? Leka me ho mak neu ho bae: Maut fe upoitan ko hau lapu' es ho matam mes hau pisa es ho matam kun.

“Him panat nai hi aom na'ko ale mafefa mo'el sin le nem neu ki on bibi kase, mes sin nekan nane on aus fui abulalut. Mes of hi mihin sin natuin sin mo'et. Nabe'i ka atoni anseu tanu'an sena in fuan na'ko kisan, ai anseu bubuk fuan na'ko put-puta ka?

Onane amsa ale hau alekot nafua fuan alekot ma hau ka alekot nafua fuan ka alekot.

Leka me hau alekot he nafua fuan amle'ut, ai hau ka alekot he nafua fuan alekot.

Ma ale hau le ka nafuaf fuan alekot, of anote nisan ma anpolin neu ai.