Popular Bible Verses from TITUS 1

Share

Pandok ni halahi, ditanda halahi do Debata, hape anggo sian parange ni halahi nada tarida na songon i. Jahat do roha ni halahi jana nada marpangoloion. Sada pe nada adong tarpatupa halahi na denggan.

Ias do sude sanga aha pe anggo di halak na ias. Tapi anggo di halak na hodar pikiranna jana na so porsaya tu Debata, sada pe nada adong na ias, angke madung hodar pikiran ni halahi dohot taroktokna!

Angkon halak na togu marsitiopan tu hata na tutu, i ma jamita sihaporsayaan songon na niajarkon i tusia. Jadi dohot dalan na songon i malo ma ia paingot halak hombar tu pangajaran na sintong jana malo ma ia manudu hasalaan ni halak na mangalo tusia.

Harana na mangurus karejo ni Debata do sada halak sintua jadi nada tola halak na targora. Nada tola ginjang rohana sanga na parmuruk, sanga na parmabuk, sanga na kasar, sanga na sai mangarohahon hepeng. Angkon jop do rohana manjagit tamu di bagasna, na mangkagioti pangalaho na denggan, na malo mangorom dirina, na jujur, ias jana maraturan.

Muda sintua sagiotna ulang ma halak na targora; angkon sada sajo do dadaboruna; angkon na marhaporsayaan ma angka dakdanakna jana ulang ma angka anak padiar sanga dakdanak na so taratur.