Popular Bible Verses from ROM 13

Share

Padiar hamu ma Tuhan Jesus Kristus manontuhon sanga aha sibaenonmunu. Jana ulang be dioloi hamu bakomunu na mardosa i laho papuaskon hagiot ni sibuk.

Ulang marutang hamu bagi aha tu sanga ise pe, di balik ni utang holong ni roha na sada tu na asing. Harana sanga ise halak na mangkaholongi dongan jolma, madung dipatulus halahi Tona i.

Angkon sude do halak mangoloi pamarenta, angke nada adong pamarenta na so manjagit kuasona sian Debata. Jana pamarenta na adong pe, sian parenta ni Debata do i.

Salpu ne ma borngin; jana torang ma ari santongkin nari. Antong, taantak ma angka pangalaho na golap. Tapasingkop ma dirinta dohot sinjata na torang.

Sanga ise na mangkaholongi donganna jolma, nada baenonna be na jahat tu halahi. Jadi sanga ise na markolong ni roha, i ma halak na dung patuluskon Tona i.

Garari hamu ma tu sude halak sanga aha na patut sigararonmunu: Garar hamu ma pajak di na patut manggarar pajak hamu, garari hamu bea di na patut manggarar bea. Habiari hamu ma na patut sihabiaran jana parsangapi hamu ma na patut sipasangapon.