Popular Bible Verses from HALUMBAAN 8

Share

Di na niungkap ni Anak Ni Biri-biri i cap na papituhon i, gabe mamolngit ma banua ginjang i hira-hira satonga jom.

Diombus surusuruan na parjolo i ma sarunenia gabe songon na niduruskon ma pardoras ni udan es dohot udan api na marcampur mudar tu portibi on. Abis ma mosok sapartolu ni portibi on; songon i muse sapartolu sian angka hayu-hayu dohot duhut-duhut na rata.

Dung i hupamanat ma, gabe huida ma sada unggas rajawali na habang di ginjang an. Dung i mangkuling ma unggas i, “Marjaya! Marjaya! Marjaya ma sudena halak na di tano on muda tarbege surusuruan na tolu nari i mangombus sarunenia i sanoli on!”

Dung i diombus surusuruan na paduahon i ma sarunenia gabe adong ma na lobi godang tarsongon dolok na gara idaon madabu tu laut. Muba ma sapartolu laut i gabe mudar

Dung i diombus surusuruan na patoluhon i ma sarunenia, gabe madabu ma sian langit sada bintang na godang na gara songon palito, didondoni ia ma sapartolu sian angka batang aek dohot angka mual ni aek. (“Si Paet” do goar ni bintang i.) Gabe paet ma sapartolu aek i, jana gabe mate ma bahat halak hara ni na manginum aek na muba i gabe paet.

Dung i diombus surusuruan na paopatkon i ma sarunenia. Gabe hona ma sapartolu mataniari i, sapartolu bulan dohot sapartolu sian angka bintang gabe mago ma sapartolu gogo ni sinondang ni halahi. Laing songon i muse sapartolu sian arian dohot sapartolu sian borngin gabe manggolap situtu.